ენები, რომლებსაც შეხვდებით წიგნის შემდეგ გვერდებზე, ასახავს იმ ქვეყნების კულტურებისა და ტრადიციების მრავალფეროვნებას, რომლებიც გვერდიგვერდ თანაარსებობენ ჩვენს კონტინენტზე. ევროპელებისთვის მშობლიურ დაახლოებით 225 ენაზე მილიონობით ადამიანი ლაპარაკობს, ხოლო ენები, რომლებსაც ადამიანთა მცირე ჯგუფები იყენებენ, სამწუხაროდ, გაქრობის პირასაა.
ამ მოკლე მოგზაურობის დროს თქვენ აღმოაჩენთ უამრავ მსგავსებას ენებს შორის. ევროპული ენები უმთავრესად ერთიანდება სამ ძირითად ჯგუფში: სლავური, რომანული და გერმანიკული. ერთი ჯგუფის ენებს ერთი და იგივე ფესვები აქვთ - თუმცა, საუკუნეების განმავლობაში ისინი განვითარდნენ განსხვავებული მიმართულებებით. თქვენც შეძლებთ მათ შორის განსხვავებების აღმოჩენას: სხვადასხვა ანბანი (ლათინური, კირილიცა, ბერძნული, სომხური და ქართული), როგორ იქმნება ახალი სიტყვები და მათი ზოგჯერ იდუმალი წარმომავლობა. ყველას აქვს უნიკალური თვითმყოფადობა და ჩვენთვის მოსაყოლი საკუთარი ისტორია!