Merħba għal vjaġġ permezz tal-lingwi Ewropej!

Il-Vjaġġ li jmiss ta’ Lara – madwar il-Lingwi ż-Żgħar u Reġjonali tal-Ewropa

Lara tibda vjaġġ lingwistiku ġdid – F’dan il-kapitlu tal-vjaġġ tagħha, Lara tesplora d-dinja affaxxinanti tal-lingwi ż-żgħar u reġjonali u b’ħafna kurżità, naturalment tiżvela bosta teżori lingwistiċi!

Wara xi skoperti dwar is-46 l-ikbar lingwi Ewropej fl-ewwel vjaġġ tagħha, f’dan il-vjaġġ għażlet li tesplora aktar dawk il-lingwi li mhumiex daqshekk popolari lil hinn minn fejn jiġu mitkellma. F’xi każijiet il-lingwi li tiltaqa’ magħhom għandhom diversi djaletti, xi wħud minnhom m’għandhomx forma miktuba standardizzata jew jistgħu jiġu rrappreżentati bi stil ta’ kitba differenti u ħafna drabi n-numru ta’ kelliema nattivi ta’ dawn id-djaletti dejjem jonqos. Madankollu, f’dawn il-każijiet kollha, il-lingwi għandhom tradizzjoni li jiftaħru biha, u komunitajiet ta’ kelliema dedikati u attivi li jfittixu li jiżguraw li dan il-wirt kulturali lingwistiku jiġi mgħoddi lill-ġenerazzjonijiet futuri.

Il-vjaġġ lingwistiku ta’ Lara madwar l-Ewropa

Il-lingwi li se tiltaqa’ magħhom fil-paġni li ġejjin jixhdu d-diversità tal-kulturi u t-tradizzjonijiet li jeżistu qrib xulxin filkontinent tagħna. Xi wħud mill-225 lingwi nattivi għall-Ewropa huma mitkellma minn miljuni ta’ nies, filwaqt li oħrajn li huma mitkellma minn ftit, b’dispjaċir kbir, qed jintilfu.

Matul dan il-vjaġġ qasir, se tiskopri diversi similaritajiet. Il-lingwi Ewropej l-aktar jaqgħu fi tliet kategoriji ewlenin: Slavi, Romanzi u Ġermaniċi, Ġermaniċi, bil-lingwi ta’ kull grupp b’għeruq simili - imma, matul is-sekli żviluppaw f’direzzjonijiet distinti minn xulxin. Se ssir taf ukoll dwar id-differenzi tagħhom: ilvarjetà ta’ alfabetti (bħal-Latin, iċ-Ċirilliku, il-Grieg, l-Armenjan u l-Ġorġjan), li ħafna drabi jużaw kitba artistika; kif jittrattaw ilħolqien ta’ kliem għal invenzjonijiet ġodda u xi kultant l-oriġini misterjużi tagħhom. Kollha għandhom identità unika u l-istorja tagħhom x’jirrakkuntaw!