ინიციატივა 2025: ენები გულისა და გონების გასაღებია!
შექმენით პოსტერი, რომელიც ასახავს ენების ევროპული დღის 25 წლის იუბილეს სლოგანს: „Languages open hearts and minds!“ (ენები გულისა და გონების გასაღებია).
სლოგანი ხაზს უსვამს, რომ ენების შესწავლა აერთიანებს როგორც გონებას, ასევე ემოციებს. გარდა იმისა, რომ გონებრივ შესაძლებლობას აძლიერებს და ადამიანებს აკავშირებს, ენების შესწავლა ხელს უწყობს იდეების, ემოციებისა და გამოცდილების გაცვლას – აძლიერებს თანაგრძნობასა და პატივისცემას ცხოვრების სხვადასხვა წესის მიმართ.
გზავნილის გადასაცემად შეგიძლიათ გამოიყენოთ სიმბოლოები, ციტატები და ილუსტრაციები და მისცეთ თავისუფლება თქვენს შემოქმედებით ხედვას!
გამოგვიგზავნეთ თქვენი ნამუშევრის სურათი (jpg ან gif ფორმატში), რომელიც გამოქვეყნდება EDL-ის ვებგვერდზე. ყველაზე კრეატიული 5 ნამუშევარი დაჯილდოვდება, ხოლო 25 პოსტერის ჩვენება შედგება თანამედროვე ენების ევროპული ცენტრის შენობაში!
ასატვირთი ფორმა მალე ხელმისაწვდომი იქნება.
ნამუშევრების წარდგენის ბოლო ვადა: 15 ოქტომბერი, 2025 წელი.